इंडिया क्राइम न्यूज़ ऑनलाइन
(संपादक सुरेश गुप्ता)
पिंपरी चिंचवड : पिंपरी चिंचवडमध्ये एक मोठी दुर्घटना घडलेली धक्कादायक माहिती समोर येत आहे. पाण्याची टाकी कोसळून त्यात 5 कामगारांचा मृत्यू झाला आहे. त्या पाण्याच्या टाकीखाली आणखीन काहीजण अडकल्याची माहिती समोर आली आहे. ही घटना भोसरीच्या सद्‌गुरू नगरमध्ये घडली आहे.
घटनेची माहिती मिळताच अग्निशमन दलाचे कर्मचारी आणि पोलीस घटनास्थळी दाखल झाले. लेबर कॅम्पमध्ये राहणा-या कामगारांवर ही पाण्याची टाकी कोसळल्याने ही मोठी दुर्घटना घडली आहे. प्रशासनाने या दुर्घटनेची चौकशी सुरु केली असून संबंधित कंत्राटदारावर कारवाई होण्याची शक्यता आहे.
