इंडिया क्राइम न्यूज़ ऑनलाइन
(संपादक सुरेश गुप्ता)
पुणे : पाण्याची वाढती मागणी आणि अपुरा पाणीपुरवठा यामुळे पुणे महानगरपलिकेच्या वतीने मागील आठवडयात दक्षिण पुण्यासाठी एक दिवसाआडची पाणीकपात लागू करण्यात आली होती. फेरतपासणीनंतर मंगळवारी (दि.६ मे) ही पाणीकपात स्थगित करण्यात आली आहे. मात्र, महानगरपालिकेची निवडणूक जाहीर करण्याचा निकाल कोर्टाने देताच पाणीकपात रद्द करण्यात आली आहे.
पुणे महानगरपालिकेच्या सिंहगड रोड जलशुध्दीकरण केंद्रातून होणाऱ्या दक्षिण पुण्यातील अनेक भागात एकदिवसाआड पाणी पुरवठा करण्याचा निर्णय २ मे रोजी जाहीर करण्यात आला होता. या निर्णयाचा एका आठवड्यानंतर फेरआढावा घेण्याचे आदेश महापालिका आयुक्त डॉ. राजेंद्र भोसले यांनी प्रशासनास दिले होते. तसेच, वितरण व्यवस्था सुरळीत करून गरज नसल्यास हा निर्णय मागे घेण्याच्या सूचना केल्या आहेत.
गेल्या काही महिन्यांपासून या जलकेंद्रातून कात्रज परिसरातील पाणीपुरवठा विस्कळीत झाल्याने तक्रारी येत होत्या. त्यातच उन्हामुळे पाण्याची मागणी वाढल्याने त्यात भर पडली. त्यामुळे ज्या भागात कमी पाणी जाते, त्या भागाला पुरेसे पाणी देण्याचे कारण देत या जलकेंद्राचे सात दिवसांचे सात झोन करून प्रत्येक झोन आठवड्यातून एक दिवस बंद ठेवण्यात येणार होती, याची अंमलबजावणी सोमवार (५ मे) पासून सुरू केली आहे. याबाबत तक्रारी आल्यानंतर अखेर मंगळवारी लगेच दुसऱ्या दिवशी हा निर्णय स्थागित करण्यात आला.
