इंडिया क्राइम न्यूज़ ऑनलाइन
(संपादक सुरेश गुप्ता)
पुणे : पुणे महापालिकेतील एका बड्या अधिकाऱ्याने व त्याच्या कुटुंबीयांनी चेहऱ्यावर तेज येण्यासाठी तब्बल नऊ लाखाचं इंजेक्शन घेतल्याची धक्कादायक माहिती समोर आली आहे. मात्र याचा खर्च महापालिकेच्या डोक्यावर टाकण्याचा प्रयत्न होता याची नामुष्की ओढवण्याच्या शक्यतेने या खर्चाची बिले मागे घेण्यात आली.
याबाबत अधिक माहिती अशी की, चेहऱ्यावर चमक यावी, चेहरा टवटवीत दिसावा यासाठी महापालिकेच्या अधिकाऱ्याने व त्याच्या कुटुंबीयांनी प्रचंड असे महागडे इंजेक्शन घेतले. त्यामुळे त्यांच्या चेहऱ्यावर तेज आले पण दिखाव्यासाठीचा तब्बल नऊ लाखाचा खर्च महापालिकेकडून घेण्याचा प्रयत्न केला. मात्र बदनामी टाळण्याच्या शक्यतेने खर्चाची बिले मागे घेण्यात आली. आरोग्य विभागाने बिले मंजूर केली नाहीत, पण या प्रकरणाची चर्चा आता सर्वत्र रंगली आहे.
