इंडिया क्राइम न्यूज़ ऑनलाइन
(संपादक सुरेश गुप्ता)
उरुळी कांचन : क्रीडा व युवक संचालनालय तसेच पुणे जिल्हा क्रीडा परिषद यांच्या संयुक्त विद्यमाने आयोजित करण्यात आलेल्या भव्य क्रिकेट स्पर्धेत उरुळी कांचन (ता. हवेली) येथील डॉ. अस्मिता प्राथमिक, माध्यमिक, विद्यालयाच्या 14 वर्षाखालील मुलांच्या संघाने तालुकास्तरीय शालेय क्रिकेट स्पर्धेत प्रथम क्रमांक पटकावला आहे. अशी माहिती संस्थेचे सचिव अजिंक्य कांचन यांनी दिली.
लोणीकंद (ता. हवेली) येथील श्रीमती सुभद्राबाई रामचंद्र भूमकर ज्यू. कॉलेज येथे या तालुकास्तरीय क्रिकेट स्पर्धेचे आयोजन करण्यात आले होते. या क्रिकेट स्पर्धेत एकूण 32 संघांनी सहभाग घेतला होता. डॉ. अस्मिता स्कूलच्या विद्यार्थ्यांनी प्रथम क्रमांक पटकावला व विद्यालयाच्या शिरपेचात एक आणखी मानाचा तुरा रोवला. तसेच पुढे होणाऱ्या जिल्हास्तरीय क्रिकेट स्पर्धेत निवड झाली आहे.
दरम्यान, या विद्यार्थ्यांना मार्गदर्शन शंकर वाईकर, सपकाळ सर, विद्यालयाच्या प्राचार्य रोहिणी जगताप, माधुरी जगताप यांनी केले व पुढील वाटचालीसाठी शुभेच्छा दिल्या. संस्थेचे संस्थापक अध्यक्ष महादेवराव कांचन, अजिंक्य चॅरिटेबल फाउंडेशनचे सचिव डॉ. अजिंक्य कांचन, कार्यकारी संचालक डॉ. आप्पासाहेब जगदाळे सर यांनी विद्यार्थ्यांवरती कौतुकाचा वर्षाव करीत पुढील वाटचालीसाठी शुभेच्छा दिल्या आहेत.
