इंडिया क्राइम न्यूज़ ऑनलाइन
(संपादक सुरेश गुप्ता)
पुणे : पुण्यामध्ये लोहगाव परिसरातील डी. वाय पाटील महाविद्यालय रस्त्यावर सिमेंट मिक्सरच्या धडकेत दुचाकीस्वार महाविद्यालयीन तरुणाचा मृत्यू झाल्याची घटना घडली आहे. स्वप्नील प्रकाश साळवे (वय 22, रा. भालकुंड, जि. परभणी) असे मृत्यु झालेल्या दुचाकीस्वार तरुणाचे नाव आहे. याप्रकरणी सिमेंट मिक्सरचालक वेंकट गुरुप्पा पवार (वय 45, रा. खांदवे निवास, निरगुडी रस्ता, लोहगाव) याच्याविरुद्ध गुन्हा दाखल करण्यात आला आहे. याबाबत स्वप्नीलचे मामा दिलीप धोडिंबा साबळे (वय 53, रा. डोंगरे वस्ती, निघोज, चाकण) यांनी विमानतळ पोलीस ठाण्यात तक्रार दिली आहे.
पोलिसांनी दिलेल्या माहितीनुसार, स्वप्नील साळवे (वय 22, रा. भालकुंड, जि. परभणी) हा तरुण एका महाविद्यालयात औषध निर्माण शास्त्रचे शिक्षण घेत होता. स्वप्नील आणि त्याचे मित्र वाघोली भागात भाडेतत्त्वावर खोली घेऊन राहतात. सोमवारी (17 मार्च) सकाळी अकरा वाजण्याच्या सुमारास लोहगाव येथील डी. वाय. पाटील महाविद्यालय रस्त्याने तो निघाला होता. त्या वेळी भरधाव सिमेंट मिक्सरने दुचाकीला पाठीमागून धडक दिली. त्यात दुचाकीस्वार साळवे गंभीर जखमी झाला. अपघातानंतर पसार झालेल्या मिक्सरचालकाला पोलिसांनी ताब्यात घेतले आहे. याप्रकरणाचा तपास पोलीस उपनिरीक्षक अक्षय सोनवणे करत आहेत.
