इंडिया क्राइम न्यूज़ ऑनलाइन
(संपादक सुरेश गुप्ता)
सासवडः पुणे जिल्हा शिक्षण मंडळाचे, वाघिरे महाविद्यालय, सासवडच्या वतीने आज बारावीच्या विद्यार्थ्यांचे परीक्षेसाठी स्वागत करण्यात आले. या स्वागत कार्यक्रमात प्राचार्य पंडित शेळके आणि अन्य प्राध्यापकांनी विद्यार्थ्यांना परीक्षेच्या दृष्टिकोनातून मार्गदर्शन केले.
या कार्यक्रमाची सुरुवात प्राचार्यांनी विद्यार्थ्यांचे मनोबल वाढवण्यासाठी स्वागतपर भाषणाने केली. त्यांनी विद्यार्थ्यांनी परीक्षा काळात शांत व तणावमुक्त राहावे असे सांगितले. आणि विद्यार्थ्यांच्या मेहनतीचे फळ मिळवण्यासाठी तयारी करण्याची प्रेरणा दिली.
यावेळी प्राध्यापकांनी देखील विद्यार्थ्यांना मार्गदर्शन केले, त्यांना योग्य अभ्यास पद्धती, वेळ व्यवस्थापन याबाबत माहिती दिली. विद्यार्थ्यांचे प्रश्न जाणून घेऊन त्यांनी त्यांच्या चिंता धोरणात्मक पद्धतीने सोडवण्याचा प्रयत्न केला
दरम्यान, सर्व विद्यार्थ्यांचे गुलाब पुष्प देऊन महाविद्यालयाचे प्राचार्य पंडित शेळके आणि प्राध्यापकांनी परीक्षेसाठी शुभेच्छा देत स्वागत केले. या कार्यक्रमामुळे विद्यार्थ्यांमध्ये सकारात्मक ऊर्जा निर्माण झाली होती. या कार्यक्रमाच्या आयोजनामुळे विद्यार्थ्यांनी आत्मविश्वासाने परीक्षेला सामोरे जाण्याची भावना अनुभवली, आणि महाविद्यालयाचे शैक्षणिक वातावरण अधिक प्रफुल्लित झाले.
यावेळी उपप्राचार्य डॉ. सुभाष वाव्हाळ, प्रा. प्रताप किरदात, प्रा. अमर होळकर, डॉ. विलास वाणी, प्रा. लांडगे, प्रा. राजेश देशमुख, प्रा बापू खाडे, डॉ. नानासाहेब पवार, प्रा नितीन लगड, याबरोबरच सर्व शिक्षक, शिक्षकेतर सेवक आणि विद्यार्थी उपस्थित होते.
