इंडिया क्राइम न्यूज़ ऑनलाइन
(संपादक सुरेश गुप्ता)
सांगली : सांगली शहरासह मिरज शहर खुनाच्या घटनांनी हादरून गेलेआहे. काल रात्री (23 फेब्रुवारी) सांगलीत कृष्णा नदीवरील आयर्विन पुलाखाली एका महिलेचा खून करण्यात आला. तर मिरजेमध्येही एका युवकाचा खून झाला. सांगली शहरामध्ये कौटुंबिक कारणातून पतीने पत्नीचा खून केला आहे. मिरजेत पुन्हा कोयता गँगचा वाद पुन्हा उफाळून येऊन कोयता गँगमधील सराईत गुन्हेगाराचा खून करण्यात आला आहे.
कौटुंबिक कारणातून पत्नीचा खून
आयर्विन पुलाखाली पतीकडून पत्नीची गळा चिरून निर्घण खून करण्यात आला आहे. प्रियांका चव्हाण असे मृत पत्नीचे नाव आहे. प्रियांका चव्हाण व तिचा पती यांच्यामध्ये कौटुंबिक वाद सुरु होते. त्यामुळे प्रियांका माहेरी सांगलीवाडीत गेल्या चार महिन्यांपासून राहत होती. तिला भेटण्यासाठी तिचा पती काल सांगलीत आला होता. त्याने तिला आयर्विन पुलाजवळ नेले. त्यानंतर त्या ठिकाणी दोघांमध्ये पुन्हा कडाक्याचे भांडण झाले.
त्यानंतर प्रियांकाच्या पतीने रागातच तिच्या गळ्यावर कोयत्याने सपासप वार करून तिचा खून केला. रात्री नऊच्या सुमारास आयर्विन पुलाखाली हा प्रकार घडला आहे. हल्ल्यानंतर घटनास्थळावरून पती जकाप्पा चव्हाण हा पसार झाला असून, त्याचा शोध सुरू आहे. प्रियांका माहेरी राहत असली तरी जकाप्पा चारित्र्याचा संशय घेत होता. या संशयातून त्याने खून केल्याची प्राथमिक माहिती तपासात पुढे आलिया आहे.
सराईत गुन्हेगाराचा कोयत्याने खून
मिरज शहरात कोयता गँगमधील दोन गटात झालेल्या राड्यामध्ये कोयता गँगमधील सराईत गुन्हेगारावर कोयत्याने वार करून खून करण्यात आला आहे. कुणाल वालीवर असे खून झालेल्या गुन्हेगाराचे नाव आहे. मयत कुणालचा भाऊ वंश वालीवर देखील टोळक्याने कोयत्याने हल्ला केला. यामध्ये तो गंभीर जखमी झाला असून त्याच्यावर मिरज शासकीय रुग्णालयात उपचार करण्यात येत आहेत. याप्रकरणी पोलिसांनी चार संशयित हल्लेखोरांना अटक केली.
