इंडिया क्राइम न्यूज़ ऑनलाइन
(संपादक सुरेश गुप्ता)
अमरावती : अमरावतीमधून एक सांतापजनकबातमी समोर आली आहे. विवाहितेवर मांत्रिकाने लैंगिक अत्याचार केल्याचा धक्कादायक प्रकार उघडकीस आला आहे. विवाहित महिला मूल होत नसल्याने पीडित महिला मांत्रिकाकडे गेली होती. मांत्रिकाकडून तिच्यावर लैंगिक अत्याचार करण्यात आला. या घटनेमुळे अमरावतीमध्ये एकच खळबळ उडाली असून याप्रकरणी मांत्रिकाविरोधात गुन्हा दाखल करण्यात आला आहे.
मिळालेल्या माहितीनुसार, मूल होत नसल्याने उपचार करतो सांगून अमरावतीमध्ये एका मांत्रिकांने २० वर्षाच्या विवाहितेवर लैंगिक अत्याचार केला आहे. अमरावतीच्या गाडगेनगर पोलिस ठाण्याच्या हद्दीत ही संतापजनक घटना घडली आहे. पीडित महिलेच्या डोक्यावर मांत्रिकाने मंत्र उच्चारत तिच्यावर जबरदस्तीने लैगिंक अत्याचार केले.
याप्रकरणी पोलिसांकडून मांत्रिकाविरोधात बलात्कार तसेच जादूटोणा प्रतिबंधक कायद्याद्वारे गुन्हा दाखल करण्यात आला आहे. दिगंबर रतन चव्हाण असे या मांत्रिकाचे नाव असून पोलिसांकडून त्याचा शोध घेतला जात आहे. पोलिस या प्रकरणाचा तपास करत आहेत.
