Saturday, February 15, 2025
Homeक्राईम न्यूजविदर्भ, मध्य महाराष्ट्रात दोन दिवस हलक्या पावसाची शक्यता

विदर्भ, मध्य महाराष्ट्रात दोन दिवस हलक्या पावसाची शक्यता

इंडिया क्राइम न्यूज़ ऑनलाइन

(संपादक सुरेश गुप्ता)

पुणे : बंगालच्या उपसागरातून येणाऱ्या बाष्पयुक्त वाऱ्यामुळे विदर्भ आणि मध्य महाराष्ट्रात दोन दिवस ढगाळ हवामान राहण्याचा आणि तुरळक ठिकाणी हलका पाऊस पडण्याचा अंदाज हवामान विभागाने दिला आहे. बंगालच्या उपसागरावर वाऱ्याची चक्रीय स्थिती निर्माण झाली आहे.

त्यामुळे बंगालच्या उपसागरावरून प्रामुख्याने दक्षिण विदर्भ, दक्षिण मराठवाडा आणि दक्षिण मध्य महाराष्ट्रात बाष्पयुक्त वारे येत आहेत. त्यामुळे या भागात ढगाळ वातावरण निर्माण झाले आहे. या भागातील थंडीही या बाष्पयुक्त वाऱ्यामुळेच कमी झाली. बंगालच्या उपसागरातील वाऱ्याच्या चक्रीय स्थितीचा परिणाम आहे.

साधारण पुढील चार दिवस ढगाळ वातावरण कायम राहण्याची शक्यता आहे. तर १५ जानेवारी विदर्भ, मराठवाडा आणि मध्य महाराष्ट्रात तुरळक ठिकाणी हलका पाऊस पडण्याची शक्यता आहे. दरम्यान, हिमालयात बुधवारपासून पश्चिमी विक्षोप सक्रीय होण्याचा अंदाज आहे.

त्याचा परिणाम म्हणून उत्तर भारतात पुन्हा थंडीत वाढ होण्याचा अंदाज हवामान विभागाकडून वर्तवण्यात आला आहे. थंड वाऱ्याचा जोर जास्त राहिल्यास उत्तर महाराष्ट्र, उत्तर विदर्भात किमान पारा खाली जाण्याचा अंदाज आहे.

RELATED ARTICLES
- Advertisment -

Most Popular

Recent Comments