Wednesday, April 17, 2024
Homeक्राईम न्यूजलग्नाचे आमिष दाखवून बलात्कार करत नंतर तरूणीचा गर्भपातः दुसऱ्या घटनेत शरीर सुखाची...

लग्नाचे आमिष दाखवून बलात्कार करत नंतर तरूणीचा गर्भपातः दुसऱ्या घटनेत शरीर सुखाची मागणी करणाऱ्यावर गुन्हा दाखल

इंडिया क्राइम न्यूज़ ऑनलाइन

(संपादक सुरेश गुप्ता)

लग्नाचे आमिष दाखवून बलात्कार करत तरूणीला गरोदर करून नंतर तिचा गर्भपात घडवून आणणाऱ्या मुलासह त्याच्या आईवर चंदननगर पोलिस ठाण्यात गुन्हा दाखल करण्यात आला आहे. तरूणीला जातीवाचक शिवीगाळ केल्याप्रकरणी अॅट्रॉसिटीचा गुन्हा दाखल करण्यात आला आहे.

विशाल विजय आकरे आणि दिपाली विजय आकरे (दोघेही रा. माळवाडी, हडपसर) यांच्यावर गुन्हा दाखल करण्यात आला आहे. याबाबत एका 22 वर्षीय तरूणीने फिर्याद दिली आहे. हा प्रकार जुलै 2022 ते फेब्रुवारी 2024 दरम्यान घडला.

पोलिसांनी दिलेल्या माहितीनुसार, पिडीत तरूणी आणि आरोपी हे ओळखीचे आहेत. याच ओळखीतून विशालने तरूणीला प्रेम जाळ्यात अडकवून तिला लग्नाचे आमिष दाखविले होते. त्यानंतर विशालने तरूणीवर वेळोवेळी लैगिक अत्याचार केले. या प्रकारामुळे ती गर्भवती राहिली. त्यानंतर विशालने आणि त्याच्या घरच्यांनी तिला तुमची व आमची बरोबरी होऊ शकत नाही, तु जर पोलिसात तक्रार केली तर तुझे अश्लिल फोटो व व्हिडीओ व्हायरल करून धमकी दिली. तसेच तिच्या पोटातील बाळ खाली करण्यास भाग पाडत तिला गर्भपाताच्या गोळ्या खाण्यात दिल्या. याच दरम्यान आरोपींनी तिला जातीवाचक शिवीगाळ केल्याचे फिर्यादीत नमूद करण्यात आले आहे. पुढील तपास चंदननगर पोलिस करत आहे.

शरीर सुखाची मागणी करणाऱ्यावर गुन्हा

शरीर सुखाची मागणी केल्यानंतर त्याला नकार देणाऱ्या अल्पवयीन मुलीवर ब्लेडने वार करून जखमी केल्याचा धक्कादायक प्रकार भारती विद्यापीठ पोलिस ठाण्याच्या हद्दीत घडला. याप्रकरणी युवराज रविंद्र बारडे (24, रा. पर्वती दर्शन, पुणे) बाल लैंगिक अत्याचार विरोधी कायदा व असे गुन्हा दाखल करण्यात आलेल्याचे नाव आहे. याबाबत 16 वर्षीय मुलीने भारती विद्यापीठ पोलिस ठाण्यात तक्रार दिली आहे.

पोलिसांनी दिलेल्या माहितीनुसार, माझ्याशी बोलली नाहीस, माझ्याशी संबंध ठेवले नाही तर जीवाचे बरे वाईट करण्याची धमकी देणाऱ्या व शरीर सुखाची मागणी करणाऱ्या बारडेवर गुन्हा दाखल करण्यात आला आहे. येवढ्यावर तो थांबला नाही, अल्पवयीन मुलीने या घृणास्पद प्रकाराला नकार दिल्यावर त्याने तिला आता दाखवतोय काय असते ते म्हणत तिच्यावर बेल्डने वार केले. हा सर्व प्रकार 13 फेब्रुवारी रोजीच्या पूर्वीपासून घडत आला आहे.

RELATED ARTICLES
- Advertisment -

Most Popular

Recent Comments