इंडिया क्राइम न्यूज़ ऑनलाइन
(संपादक सुरेश गुप्ता)
जळगाव : जळगाव जिल्ह्यातून एक धकाकड्याक बातमी समोर आलीआहे. बापाने आत्महत्या केली, त्यानंतर सुसाईड नोटमध्ये लिहून ठेवले की त्याने आपल्या रील स्टार मुलाचा खून करून मृतदेह धरणात पुरून ठेवला आहे. प्रसिद्ध रील स्टार विकी उर्फ हितेश विठ्ठल पाटील (वय 22, रा. भोरखेडा), असे खून झालेल्या तरुणाचे नाव आहे, तर विठ्ठल सखाराम पाटील असे आत्महत्या केलेल्या वडिलांचे नाव आहे. विठ्ठल पाटील हे माजी सैनिक होते. धरणगाव-एरंडोल तालुक्यात ही हादरवून सोडणारी घटना घडली आहे.
मिळालेल्या माहितीनुसार, विकी पाटीलचे वडील विठ्ठल सखाराम पाटील (माजी सैनिक) यांनी मंगळवारी गळफास घेऊन आत्महत्या केली. त्यांनी लिहिलेल्या सुसाईड नोटमध्ये “माझ्या मुलाचा खून केला असून, त्याचा मृतदेह धरणात पुरण्यात आला आहे,” असे लिहिले होते. ही माहिती समोर आल्यानंतर पोलिसांनी आपली चक्रे फिरवली.
मृतदेह पुरला धरणात..
सुसाईड नोटमध्ये दिलेल्या माहितीनुसार पोलिसांकडून शोधमोहीम राबवण्यात आली. गुरुवारी दुपारी भोरखेडा गावाजवळील धरण परिसरात विकी पाटीलचा मृतदेह पुरलेल्या अवस्थेत आढळून आला. पोलिसांनी जेसीबीच्या मदतीने कुजलेल्या अवस्थेत मृतदेह बाहेर काढला. यावेळी तहसीलदार महेंद्र सूर्यवंशी यांच्या उपस्थितीत मृतदेह बाहेर काढण्याचा पंचनामा करण्यात आला. दरम्यान विठ्ठल पाटील यांनी मुलाचा खून करून स्वतः आत्महत्या का केली? याचं कारण मात्र, अद्यापही अस्पष्ट आहे.
वडिलांनी लिहून ठेवलेल्या सुसाईड नोटने या प्रकरणाला एक वेगळेच वळण मिळाले आहे. घटनास्थळी जाऊन पोलीस अधीक्षक महेश्वर रेड्डी, अप्पर पोलीस अधीक्षिका कविता नेरकर, धरणगाव पोलीस निरीक्षक पवनकुमार देसले यांनी पाहणी केली. एरंडोल पोलिसात गुन्हा दाखल करण्याचे काम सुरू आहे.
