इंडिया क्राइम न्यूज़ ऑनलाइन
(संपादक सुरेश गुप्ता)
पुणे : पुण्यात वाढती गुन्हेगारी मोठा चिंतेचा विषय ठरत असताना आर्थिक फसवणुकीचे प्रकारही वाढताना दिसत आहेत. असाच एक आर्थिक फसवणुकीचा प्रकार समोर आला आहे. मुलीला महाविद्यालयात प्रवेश मिळवून देण्याच्या आमिषाने एका व्यावसायिकाची एक लाख रुपयांची फसवणूक करण्यात आली आहे. याबाबत एका व्यावसायिकाने शिवाजीनगर पोलीस ठाण्यात फिर्याद दिली आहे. त्यांनी दिलेल्या फिर्यादीनुसार दोन महिलांसह तिघांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार व्यावसायिकाची आरोपींशी एका परिचितामार्फत मागील वर्षी जुलै महिन्यात ओळख झाली होती. व्यावसायिकाच्या मुलीला महाविद्यालयात प्रवेश हवा होता. आरोपींनी मुलीला प्रवेश मिळवून देण्याचे आमिष दाखविले आणि त्यानंतर त्यांच्याकडून एक लाख रुपयेही घेण्यात आले.
पैसे घेतल्यानंतर मात्र त्यांच्या मुलीला महाविद्यालयात प्रवेश मिळवून दिला नाही. प्रवेश न मिळाल्याने त्यांनी आरोपींकडे विचारणा केल्यावर तेव्हा आरोपींकडून टाळाटाळ करण्यात आली. आरोपींनी फसवणूक केल्याचे लक्षात आल्यानंतर व्यावसायिकाने नुकतीच पोलिसांकडे तक्रार दिली आहे. याप्रकरणी सहायक पोलीस निरीक्षक संजय पांढरे तपास करत आहेत.