Monday, March 4, 2024
Home क्राईम न्यूज मराठा आरक्षण ! मनोज जरांगे-पाटील यांच्या सर्व मागण्या मान्य

मराठा आरक्षण ! मनोज जरांगे-पाटील यांच्या सर्व मागण्या मान्य

इंडिया क्राइम न्यूज़ ऑनलाइन

(संपादक सुरेश गुप्ता)

मराठा आरक्षणाच्या मागणीसाठी मराठा आरक्षणाचे नेते मनोज जरांगे पाटील यांच्या नेतृत्त्वात लाखो मराठ्यांचा मोर्चा नवी मुंबईत दाखल झाला आहे. दरम्यान, मनोज जरांगे पाटील यांनी वाशी येथील सभेत सरकारला आवाहन करत आरक्षण ही आमची मुख्य मागणी आहे. त्यात ज्यांच्या नोंदी सापडल्या आहे अशांच्या सग्यासोयऱ्यांनाही आरक्षणाचा लाभ द्यावा अशी मागणी केली आहे. त्यानुसार, मुख्यमंत्री एकनाथ शिंदे यांच्या अध्यक्षतेखाली बैठक होत, या बैठकीत झालेला निर्णय घेऊन सरकारचे शिष्टमंडळ शुक्रवारी रात्री वाशी येथे मनोज जरांगे पाटील यांच्या भेटीसाठी पोहोचले होते. दरम्यान शिष्टमंडळ जरांगे पाटलांची भेट घेत सर्व मागन्या मान्य झाल्याचे स्पष्ट केले आहे. राज्य सरकारने मनोज जरांगे-पाटील यांच्या सर्व मागण्या मान्य केल्या असून मध्यरात्री अध्यादेश देखील काढला. या अध्यादेशात सग्यासोयऱ्यांच्या मुद्द्याचाही समावेश करण्यात आला आहे. सरकारचा हा निर्णय म्हणजे मराठा समाजाचे यश मोठं यश आहे. आज सकाळी 8 च्या दरम्यान राज्याचे मुख्यमंत्री एकनाथ शिंदेनवी मुंबईतील वाशी येथे दाखल होणार असून मनोज जरांगे त्यांच्या उपस्थितीत उपोषण सोडणार येत आहे.

मराठा आरक्षणाच्या मागणीसंदर्भात मुख्यमंत्री एकनाथ शिंदे यांच्या वर्षा बंगल्यावर रात्री उशीरापर्यंत बैठक झाली. या बैठकीला प्रधान सचिव भूषण गगराणी, मुंबई उपनगर पालकमंत्री मंगल प्रभात लोढा, मुंबई पोलीस आयुक्त विवेक फणसाळकर, विशेष पोलीस आयुक्त देवेन भारती, सह पोलीस आयुक्त सत्यनारायण चौधरी, सामाजिक न्याय सचिव सुमंत भांगे, मुख्यमंत्री यांचे ओएसडी मंगेश चिवटे या बैठकीला उपस्थित होते. मुख्यमंत्र्यांसोबत झालेल्या चर्चेअंती मनोज जरांगे पाटील यांनी केलेल्या मागण्यांच्या अनुषंगाने नवीन अध्यादेश काढण्यात आला. हा नवीन अध्यादेश घेऊन राज्य सरकारचे शिष्टमंडळ वाशी येथे मनोज जरांगे पाटील यांची भेटीला गेले होते.

दरम्यान, आरक्षणासंदर्भात सरकारने जे निर्णय घेतले त्याचे पत्रक काढा. डेटाही द्या. सग्यासोयऱ्यांबाबतचा अध्यादेश शनिवारी दुपारी 12 वाजेपर्यंत काढा अशी मागणी जरांगे पाटील यांनी केली. सग्यासोयऱ्यांबाबतचा अध्यादेश नाही निघाला तर आझाद मैदानात येणार आहोत. आम्ही इथून उठणार नाही. मोफत शिक्षण आणि नोकरीत राखीव जागा ठेवण्याचा निर्णय पाहिजे. 15 मिनिटात अध्यादेश दिला तर आझाद मैदानात जाणारच, पण गुलाल उधळायला असेही जरांगे पाटलांनी स्पष्ट केले होते.

मध्यरात्री बैठकांचे सत्र

मराठा आरक्षणा संदर्भात सरकारच्या शिष्टिमंडळांची मनोज जरांगे पाटील यांच्याशी मध्यरात्रीपर्यंत बैठक सुरु होती. रात्री 1 वाजून 45 मिनिटांनी सुरु झालेली बैठक तीन तासांपेक्षा जास्त वेळ चालली. त्यानंतर मंत्री दीपक केसरकर यांनी पत्रकारांना माहिती दिली. त्यांनी सांगितले की, सरकारच्या वतीने आम्ही मनोज जरांगे पाटील भेट घेतली आहे. त्यांच्या मागण्यासंदर्भातील सर्व कागदपत्रे त्यांना देण्यात आली आहे. त्यांनी अनेक मुद्दे मांडले होते. त्याबाबत सविस्तर चर्चा मुख्यमंत्री शिंदे यांच्याशी झाली. सरकारने त्यांना उपोषण मागे घ्यावे अशी विनंती केली असल्याचेही त्यांनी सांगितले.

उपोषण सोडण्याचा निर्णय

सरकारच्या शिष्टमंडळाने दिलेली सर्व कागदपत्रे मनोज जरांगे पाटील यांनी तपासून पहिली. त्यानंतर उपोषण सोडण्याचा निर्णय घेतला आहे. मुख्यमंत्री एकनाथ शिंदे यांच्या उपस्थितीत जरांगे पाटील उपोषण सोडणार आहे.

 

RELATED ARTICLES

मेट्रोच्या अधिकाऱ्यांना घेतले पोलिस आयुक्तांनी फैलावर ; विद्यापीठ चौकातील कोंडीमुळे वाहनचालक त्रस्त

इंडिया क्राइम न्यूज़ ऑनलाइन (संपादक सुरेश गुप्ता) पुणे : सावित्रीबाई फुले पुणे विद्यापीठासमोरील चौकात मेट्रोकडून संथगतीने सुरू असलेल्या कामामुळे पोलिस आयुक्त अमितेश कुमार यांनी मेट्रोच्या अधिकाऱ्यांना...

राणेंना दिलेली सवलत पुणेकरांनाही देणार का?

इंडिया क्राइम न्यूज़ ऑनलाइन (संपादक सुरेश गुप्ता) पुणे - सामान्य नागरिकाने मिळकतकराची संपूर्ण थकबाकी भरल्या शिवाय महापालिका सील केलेली इमारत पुन्हा उघडू देत नाही. मात्र, केंद्रीय...

ओझर येथील लॉजवर डांबून ठेवलेल्या इसमाची ओतूर पोलीसांकडून सुटका

इंडिया क्राइम न्यूज़ ऑनलाइन (संपादक सुरेश गुप्ता) ओतूर - ओझर, ता. जुन्नर येथील लॉजमध्ये शेअर मार्केट मधील गुंतवलेले पैसे लगेच मिळावे म्हणून डांबून ठेवलेल्या इसमाची ओतूर...

LEAVE A REPLY

Please enter your comment!
Please enter your name here

- Advertisment -

Most Popular

मेट्रोच्या अधिकाऱ्यांना घेतले पोलिस आयुक्तांनी फैलावर ; विद्यापीठ चौकातील कोंडीमुळे वाहनचालक त्रस्त

इंडिया क्राइम न्यूज़ ऑनलाइन (संपादक सुरेश गुप्ता) पुणे : सावित्रीबाई फुले पुणे विद्यापीठासमोरील चौकात मेट्रोकडून संथगतीने सुरू असलेल्या कामामुळे पोलिस आयुक्त अमितेश कुमार यांनी मेट्रोच्या अधिकाऱ्यांना...

राणेंना दिलेली सवलत पुणेकरांनाही देणार का?

इंडिया क्राइम न्यूज़ ऑनलाइन (संपादक सुरेश गुप्ता) पुणे - सामान्य नागरिकाने मिळकतकराची संपूर्ण थकबाकी भरल्या शिवाय महापालिका सील केलेली इमारत पुन्हा उघडू देत नाही. मात्र, केंद्रीय...

ओझर येथील लॉजवर डांबून ठेवलेल्या इसमाची ओतूर पोलीसांकडून सुटका

इंडिया क्राइम न्यूज़ ऑनलाइन (संपादक सुरेश गुप्ता) ओतूर - ओझर, ता. जुन्नर येथील लॉजमध्ये शेअर मार्केट मधील गुंतवलेले पैसे लगेच मिळावे म्हणून डांबून ठेवलेल्या इसमाची ओतूर...

ड्रग्ज प्रकरणातील बर्मनकडे एमडीचा साठा मिळण्याची शक्यता

इंडिया क्राइम न्यूज़ ऑनलाइन (संपादक सुरेश गुप्ता) पुणे - अमली पदार्थ तस्करी प्रकरणात पोलिसांनी मोठी छापेमारी केल्यानंतर आरोपी सुनील बर्मन (रा. मधभंगा, कुचबिहार, पश्चिम बंगाल) याने...

Recent Comments