इंडिया क्राइम न्यूज़ ऑनलाइन
(संपादक सुरेश गुप्ता)
संभाजीनगरः छत्रपती संभाजीनगर जिल्यातून एक काळीज पिळवून ठेवणारी घटना घडली आहे. जिल्ह्याच्या कन्नड-पिशोर रस्त्यावर ऊसाच्या ट्रकचा भीषण अपघात झाला आहे. या अपघातात ऊसाच्या ट्रक खाली 17 मजूर दबले असून चार जणांचा मृत्यू झाला आहे. तर 13 जण जखमी झाल्याची प्राथमिक माहीत आहे. यामुळे जिल्हाभरातुन हळहळ व्यक्त केली जात आहे.
मिळालेल्या माहितीनुसार, रात्री 12 ते 1 च्या दरम्यान ही घटना घडली असल्याचे बोलले जात आहे. ऊसाने भरलेल्या ट्रकवर 17 मजूर बसलेले होते. अचानक ट्रक पलटी झाला आणि वर बसलेले मजूर उसाखाली दबले. मध्यरात्रीची वेळ असल्याने जखमींना वेळीच मदत मिळू शकली नाही. घटनास्थळी उपस्थित असलेल्या लोकांनी या मजुरांना बाहेर काढले. मात्र त्यातील 13 मजुरांना वाचवण्यात यश आले.
दुर्देवाने यात 4 मजूर ठार झाल्याची प्राथमिक माहिती समोर आली आहे. सध्या जखमींवर रुग्णालयात उपचार सुरू आहेत. याबाबत अधिक तपास पोलीस करत आहे.
