Tuesday, February 20, 2024
Home क्राईम न्यूज बनावट फिटनेस सर्टिफिकेट बनवण्यासाठी ससून रूग्णालयातून चोरले शिक्के, एकाला अटक

बनावट फिटनेस सर्टिफिकेट बनवण्यासाठी ससून रूग्णालयातून चोरले शिक्के, एकाला अटक

इंडिया क्राइम न्यूज़ ऑनलाइन

(संपादक सुरेश गुप्ता)

पुणे : ड्रग्ज माफिया ललित पाटील प्रकरणानंतर ससून रुग्णालयाची चर्चा संबंध देशभर होत आहे. त्यातच ससून रूग्णालयातून बनावट फिटनेस सर्टिफिकेट बनवण्यासाठी शिक्के चोरणाऱ्या एकाला रुग्णालय प्रशासनाने पकडून बंडगार्डन पोलिसांच्या हवाली केले आहे. त्याने डॉक्टर आणि कर्मचारी यांची नजर चुकवून डॉक्टरांचे शिक्के चोरले, या शिक्क्यांच्या आधारे त्याने बनावट मेडिकल फिटनेस प्रमाणपत्र केल्याचे तपासात निष्पन्न झाले.

प्रकाश पांडुरंग मोंडकर (३४, रा. कणकवली, सिंधुदुर्ग) असे अटक करण्यात आलेल्या आरोपीचे नाव आहे. याप्रकरणी त्याचा साथीदार सत्पाल पवार (रा. ओगलेवाडी, कराड, सातारा) याच्यावर देखील गुन्हा दाखल करण्यात आला आहे. याप्रकरणी डॉ. शैलेश शिवशंकर दामशेट्टी (२६, रा. गुंजन सोसायटी, रास्तापेठ) यांनी बंडगार्डन पोलिस ठाण्यात तक्रार दिली आहे.

पोलिसांनी दिलेल्या माहितीनुसार, डॉ दामशेट्टी हे ससून रुग्णालयात मागील दोन महिन्यांपासून वार्ड नंबर ७४ या ठिकाणी आरएमओ म्हणून नोकरीस आहेत. वैद्यकीय अधीक्षक किरणकुमार जाधव हे त्यांचे प्रमुख म्हणून काम करतात. १४ डिसेंबर रोजी ससून रूग्णालयातील वॉर्ड नंबर ७४ या ठिकाणी काम करत असताना डॉ. जाधव हे रुग्णांच्या केस पेपरवर सही करत होते. त्यावर शिपाई अरूण मांडवेकर हे सरांच्या सही खाली त्यांचा शिक्का मारण्याचे काम करत होते. त्याच दिवशी दुपारी डॉ. जाधव यांनी पेशंटच्या केस पेरवर सही केली परंतु, मांडवेकर यांनी शिक्का शोधला असता त्यांना तो सापडला नाही. याबाबत त्यांनी लगेचच डॉ. जाधव यांना सांगितले. त्यावेळी मांडवेकर यांनी शेवटी आलेल्या व्यक्तीवर संशय व्यक्त केला. त्यानंतर सीसीटीव्ही फुटेजमध्ये शेवटी आलेल्या व्यक्तीने ते शिक्के खिशात घालून नेल्याचे निदर्शनास आले. सीसीटीव्हीत कैद झालेली व्यक्ती बुधवारी डॉ. जाधव यांची सही घेण्यासाठी आल्यानंतर त्याची चौकशी केल्यानंतर त्याने आपले नाव मोंडकर असल्याचे सांगितले. तसेच त्याची बॅग तपासली असता त्याच्या बॅगेत त्यांना दोन शिक्के सापडले.

दरम्यान त्याला ताब्यात घेऊन त्याला बंडगार्डन पोलिसांच्या हवाली करण्यात आले. पोलिसांनी त्याच्याजवळील बॅगची तपासणी केली असता त्यामध्ये एका पेपरवर प्रकाश मोंडकर नावाचे फिटनेस तपासल्याची नोट आणि त्यावर डॉ. प्राजक्ता बहिलूम यांच्या नावाचा शिक्का मारून बनावट प्रमाणपत्र तयार केल्याचे निदर्शनास आल्याने मोंडकर सह त्याच्या साथीदारावर बंडगार्डन पोलिस ठाण्यात गुन्हा दाखल केला आहे.

RELATED ARTICLES

पार्किंगच्या वादातून महिलेस जिवंत जाळण्याचा प्रयत्नः टोळक्याने वाहनांची तोडफोड करत खराडी भागात दहशत माजवली

इंडिया क्राइम न्यूज़ ऑनलाइन (संपादक सुरेश गुप्ता) पुण्यातील गुन्हेगारी दिवसेंदिवस वाढत असून पोलिसांना ती नियंत्रित आणण्यात अपयश येत आहे. पार्किंगच्या वादातून एका टोळक्याने चंदननगर परिसरात थेट...

अंमली पदार्थाचे आंतरराष्ट्रीय रॅकेट उद्धवस्तः मिठाच्या गोडाऊनमधून 3.50 कोटींचे अंमली पदार्थ जप्त; पुणे पोलिसांच्या गुन्हे शाखेची कारवाई

इंडिया क्राइम न्यूज़ ऑनलाइन (संपादक सुरेश गुप्ता) पुणे पोलिसांच्या गुन्हे शाखेने अंमली पदार्थ विक्रीचे आंतरराष्ट्रीय रॅकेट उधवस्त केले आहे. तीघा आरोपींना अटक करुन त्यांच्या ताब्यातून तब्बल...

70 लाखांसाठी अपहरण: 12 वर्षीय अल्पवयीन मुलाची साताऱ्यातून सुटका; पोलिसांच्या प्रयत्नांना यश

इंडिया क्राइम न्यूज़ ऑनलाइन (संपादक सुरेश गुप्ता) 12 वर्षांच्या मुलाचे 70 लाखांसाठी अपहरण करण्यात आले होते. भारती विद्यापिठ पोलिसांनी सातारा पोलिसांच्या मदतीने पीडित मुलाची सुटका केली...

LEAVE A REPLY

Please enter your comment!
Please enter your name here

- Advertisment -

Most Popular

पार्किंगच्या वादातून महिलेस जिवंत जाळण्याचा प्रयत्नः टोळक्याने वाहनांची तोडफोड करत खराडी भागात दहशत माजवली

इंडिया क्राइम न्यूज़ ऑनलाइन (संपादक सुरेश गुप्ता) पुण्यातील गुन्हेगारी दिवसेंदिवस वाढत असून पोलिसांना ती नियंत्रित आणण्यात अपयश येत आहे. पार्किंगच्या वादातून एका टोळक्याने चंदननगर परिसरात थेट...

अंमली पदार्थाचे आंतरराष्ट्रीय रॅकेट उद्धवस्तः मिठाच्या गोडाऊनमधून 3.50 कोटींचे अंमली पदार्थ जप्त; पुणे पोलिसांच्या गुन्हे शाखेची कारवाई

इंडिया क्राइम न्यूज़ ऑनलाइन (संपादक सुरेश गुप्ता) पुणे पोलिसांच्या गुन्हे शाखेने अंमली पदार्थ विक्रीचे आंतरराष्ट्रीय रॅकेट उधवस्त केले आहे. तीघा आरोपींना अटक करुन त्यांच्या ताब्यातून तब्बल...

70 लाखांसाठी अपहरण: 12 वर्षीय अल्पवयीन मुलाची साताऱ्यातून सुटका; पोलिसांच्या प्रयत्नांना यश

इंडिया क्राइम न्यूज़ ऑनलाइन (संपादक सुरेश गुप्ता) 12 वर्षांच्या मुलाचे 70 लाखांसाठी अपहरण करण्यात आले होते. भारती विद्यापिठ पोलिसांनी सातारा पोलिसांच्या मदतीने पीडित मुलाची सुटका केली...

पुण्यात पब, रेस्टोबार, रूफटॉप हॉटेल अन हुक्का पार्लर रडारवरः कलम 144 चे नियम लागू; बेशिस्तांविरूद्ध कडक कारवाईचा सीपींचा इशारा

इंडिया क्राइम न्यूज़ ऑनलाइन (संपादक सुरेश गुप्ता) पुणे शहरात विविध इमारतींच्या टेरेसवर सुरू असलेले अनधिकृत पब, टेरेस हॉटेल आणि अवैध धंद्यावर कडक कारवाई करण्यात येणार आहे....

Recent Comments