इंडिया क्राइम न्यूज़ ऑनलाइन
(संपादक सुरेश गुप्ता)
Bank of Maharashtra | बँक ऑफ महाराष्ट्र येथे क्रेडिट ऑफिसर पदाच्या 100 जागा भरण्यासाठी पदांनुसार पात्र असणाऱ्या उमेदवारांकडून अर्ज मागविण्यात येत आहे. या पदांसाठी अर्ज प्रक्रिया सुरू झाली आहे. इच्छुक उमेदवार bankofmaharashtra.in अधिकृत संकेतस्थळावर जाऊन अर्ज करू शकतात. बँक ऑफ महाराष्ट्रच्या या भरती मोहिमेच्या माध्यमातून संस्थेतील एकूण १०० पदांवर पात्र उमेदवारांची नियुक्ती करण्यात येणार आहे.
बँक ऑफ महाराष्ट्र भरती 2023 साठी नोंदणी प्रक्रिया 23 ऑक्टोबर 2023 रोजी सुरू झाली आणि 6 नोव्हेंबर 2023 पर्यंत चालेल. या भरतीसाठी अर्ज करण्यापूर्वी अर्ज पात्रता, निवड प्रक्रिया आणि इतर अटींच्या माहितीसाठी उमेदवारांनी संपूर्ण भरती अधिसूचना तपासावी. अर्जाच्या प्रमुख अटी पहा
रिक्त पदांचा तपशील :
* क्रेडिट ऑफिसर स्केल-२ : ५० पदे
* क्रेडिट ऑफिसर स्केल-३ : ५० पदे
* एकूण रिक्त पदे १००
निवड प्रक्रिया :
रिक्रूटमेंट एजन्सीद्वारे घेण्यात येणाऱ्या ऑनलाइन परीक्षेत उमेदवारांना सहभागी व्हावे लागणार आहे. परीक्षेत किमान कटऑफमध्ये येणाऱ्या उमेदवारांना मुलाखतीला बसण्याची संधी मिळणार आहे. उमेदवारांची निवड आरक्षण नियमानुसार लेखी परीक्षा आणि मुलाखतीच्या किमान कटऑफवर केली जाईल.
अर्ज शुल्क :
ओबीसी, ईडब्ल्यूएस आणि जनरल प्रवर्गासाठी 1000 रुपये. एससी, एसटी आणि दिव्यांग उमेदवारांसाठी १०० रुपये अर्ज शुल्क आहे. अधिक माहितीसाठी तुम्ही बँक ऑफ महाराष्ट्रच्या वेबसाईटला भेट देऊ शकता.
अर्ज करण्याची पात्रता :
या पदांसाठी अर्ज करू इच्छिणाऱ्या उमेदवाराकडे मान्यताप्राप्त विद्यापीठातून किमान ६० टक्के गुणांसह पदवी असणे आवश्यक आहे. वयोमर्यादा आणि इतर अटींबद्दल तपशीलवार माहितीसाठी, आपण संपूर्ण भरती अधिसूचना पाहू शकता.
या स्टेप्ससह करा अर्ज
* अर्ज करण्यासाठी सर्वप्रथम अधिकृत संकेतस्थळावर म्हणजेच bankofmaharashtra.in वर जा.
* येथे करिअर नावाचा टॅब दिसेल, ज्यावर क्लिक केल्यावर रिक्रूटमेंट प्रोसेस करंट ओपनिंग्स नावाचा टॅब दिसेल, त्यावर जा. * येथे लिंक असेल ज्यावर ते लिहिले जाईल – क्रेडिट ऑफिस र्सस्केल 2 आणि 3 ची भरती प्रकल्प 2023 – 24.
* येथे नोंदणी करा आणि अर्ज भरा. * फॉर्म भरून सबमिट करा आणि फी भरल्यानंतर अर्ज सबमिट करा.
