इंडिया क्राइम न्यूज़ ऑनलाइन
(संपादक सुरेश गुप्ता)
मुंबई– बंगळुरू बाह्यवळण मार्गावर नवले पुलाजवळ सिग्नलला थांबलेल्या वाहनांना सिमेंट वाहतूक करणाऱ्या भरधाव ट्रकने धडक दिली. ट्रकने मोटारी आणि दुचाकींना धडक दिली. अपघातात एका दुचाकीस्वाराचा मृत्यू झाला असून, पादचारी महिला जखमी झाली आहे. संदेश बानदा खेडकर (वय ३४ वर्षे, रा. टिळेकर नगर, कात्रज-कोंढवा रस्ता) असे अपघातात मृत्यूमुखी पडलेल्या दुचाकीस्वाराचे नाव आहे. याप्रकरणी ट्रकचालक पंकज राजाराम नटकरे (वय २१, रा. बसवकल्याण, बिदर, कर्नाटक) याला सिंहगड रस्ता पोलिसांनी अटक केली.
