इंडिया क्राइम न्यूज़ ऑनलाइन
(संपादक सुरेश गुप्ता)
पुणे : पुण्यातील कोंढवा पोलीस स्टेशनच्या हद्दीतून एक धक्कादायक प्रकार उघडकीस आला आहे. मस्जिदमध्ये नमाज पठण करण्यासाठी गेलेल्या एका नऊ वर्षीय ‘मुलावर लैंगिक अत्याचार करण्यात आला आहे. आणि हा सर्व प्रकार केलाय मस्जिदमध्येच काम करणाऱ्या एका कर्मचाऱ्याने. 10 नोव्हेंबर रोजी हा संपूर्ण प्रकार घडलाय. पीडित मुलाच्या मामाने याप्रकरणी तक्रार दिली आहे. त्यानुसार कोंढवा पोलीस ठाण्यात गुन्हा दाखल करण्यात आला आहे.
मोहम्मद युसुफ (रा. कोंढवा) असे गुन्हा दाखल करण्यात आलेल्या आरोपीचे नाव आहे. कोंढवा परिसरातील एका मस्जिदमध्ये तो काम करतो. त्याच्या विरोधा पोक्सो कायद्यानुसार कोंढवा पोलीस ठाण्यात गुन्हा दाखल करण्यात आला आहे.
याप्रकरणी अधिक माहिती अशी की, फिर्यादी यांचा नऊ वर्षीय भाचा कोंढवा परिसरातील एका मस्जिदमध्ये नमाज पठनासाठी जात होता. मात्र तो काही दिवसांपासून जाण्याचे टाळत होता. फिर्यादी यांनी त्याविषयी त्याला खोदून विचारले असता हा संपूर्ण प्रकार उघडकीस आला. 10 नोव्हेंबर रोजी पीडित मुलगा आपल्या मित्रांसोबत मशिदीमध्ये नमाज पठनासाठी गेला होता. नमाज पठण झाल्यानंतर इतर लोक निघून गेले. पीडित मुलगा आणि त्याचा मित्र मस्जिदमध्येच थांबले होते.
दरम्यान आरोपी कर्मचाऱ्याने या दोघांना तुम्हाला नमाज कसे पठण करतात हे शिकवतो असे म्हणून तो राहत असलेल्या खोलीत घेऊन गेला. त्याने या दोघांनाही सजदा कसा करतात याविषयी माहिती दिली. त्यानंतर मात्र पीडित मुलाच्या मित्राला घरी जाण्यास सांगितले. त्यानंतर पीडित मुलाला स्वतःच्या मांडीवर बसण्यास भाग पाडून त्याच्यासोबत लैंगिक चाळे केले. पीडित मुलाने घरी गेल्यानंतर आईला हा सर्व प्रकार सांगितला होता. मात्र समाजात बदनामी होईल या भीतीपोटी त्यांनी कोणालाही हा सर्व प्रकार सांगितला नव्हता.
दरम्यान फिर्यादी यांना हा प्रकार समजल्यानंतर त्यांनी पोलिसात तक्रार दिली. कोंढवा पोलिसांनी या प्रकरणी गुन्हा दाखल केला. गुन्हा दाखल झाल्याचे समजल्यानंतर आरोपी पसार झाला आहे. कोंढवा पोलीस अधिक तपास करत आहेत.
