इंडिया क्राइम न्यूज़ ऑनलाइन
(संपादक सुरेश गुप्ता)
पुणेः दीनानाथ मंगेशकर रुग्णालयाकडे मिळकतकराचे २२ कोटी रुपये थकलेले आहेत. त्यामुळे पुणे महापालिकेने या रुग्णालयाला आता जप्तीची नोटीस पाठविली आहेत. त्यात मिळकतकराचे २२ कोटी रुपये दोन दिवसांत जमा करावी, अन्यथा पुढील कारवाई केली जाईल, असा इशारा दिला आहे.
दीनानाथ मंगशेकर रुग्णालयात उपचार न मिळाल्यामुळे तनिषा भिसे या गर्भवती महिलेचा मृत्यू झाला आहे. त्यानंतर दीनानाथ मंगेशकर रुग्णालयाकडे २७कोटींचा मिळकत कर थकविला आहे. महापालिकेने मिळकत कर वसूल न केल्यास आंदोलन करण्याचा इशारा राष्ट्रवादी काँग्रेस (श.प.) पक्षाच्या नेत्या खासदार सुप्रिया सुळे आणि युवक काँग्रेसचे प्रदेश सरचिटणीस रोहन सुरवसे पाटील यांनी दिला होता. त्यामुळे दीनानाथ मंगेशकर रुग्णालयाच्या प्रशासनाला आता महापालिकेने दणका दिला आहे. गेल्या आठ वर्षांपासून महापालिकेचा, २७ कोटी ३८ लाख ६२ हजार ८७४ रुपयांचा मिळकतकर थकविल्याप्रकरणी दीनानाथ मंगेशकर रुग्णालयास नोटीस देण्यात आहे.
एरंडवणा येथील सदर रुग्णालय हे लता मंगेशकर मेडिकल फाऊंडेशनच्या मालकीचे आहे. या मिळकतीवर २०२४-२५ या आर्थिक वर्षाअखेर सुमारे २७ कोटी ३८ लाख ६२ हजार ८७४ इतका मिळकत कर थकबाकी आहे. या मिळकतीवर आकारलेली कर आकारणी मान्य नसल्याने फाऊंडेशनने २०१६ मध्ये महापालिकेविरुद्ध न्यायालयात दाद मागितली होती. सदर दाव्यात फाऊंडेशनने मिळकत करात समाविष्ट असलेल्या जनरल टॅक्सच्या पन्नास टक्के रक्कम आणि इतर कर भरण्याचे आदेश दिले होते. त्यानुसार २०१४ ते २०२५ अखेर फाउंडेशनकडे एकूण २२ कोटी ६ लाख ७६ हजार ८१ रुपये इतकी मिळकत कराची थकबाकी आहे. मिळकत कराची थकबाकी वसूल करण्यासंदर्भात महापालिका प्रशासनाची बैठक पार पडली. या बैठकीत सदर मिळकतीवर जप्तीची कारवाई करावी, असे तोंडी आदेश देण्यात आहे. त्यानुसार पुणे महापालिकेच्या मिळकत कर विभागाने लता मंगेशकर मेडिकल फाउंडेशनला नोटीस बजावली होती.
