Friday, June 14, 2024
Homeक्राईम न्यूज'त्या' अपघात प्रकरणी सहायक फौजदार निलंबित; मद्यपान केल्याचे वैद्यकीय तपासणीत उघड

‘त्या’ अपघात प्रकरणी सहायक फौजदार निलंबित; मद्यपान केल्याचे वैद्यकीय तपासणीत उघड

इंडिया क्राइम न्यूज़ ऑनलाइन

(संपादक सुरेश गुप्ता)

पिंपरी : पोलिसांच्या व्हॅनने महिलेसह एका दुचाकीला धडक देऊन गंभीर जखमी केल्याची घटना घडली. ही घटना मंगळवारी (दि.4) दुपारी अडीच वाजण्याच्या सुमारास बालेवाडी येथील श्री शिवछत्रपती क्रीडा संकुल येथील पोलीस चौकीसमोर घडली होती. याप्रकरणी सहायक फौजदाराला निलंबित करण्यात आले आहे.

वैद्यकीय अहवालात संबंधित पोलिसाने मद्यापान केल्याचे निष्पन्न झाल्याने ही कारवाई करण्यात आली आहे. नागेश भालेराव असे निलंबित सहायक फौजदाराचे नाव आहे. या अपघातात शकुंतला पंडित शेळके (रा. महाळुंगे) या जखमी झाल्या असून त्यांच्यावर खासगी रुग्णालयात उपचार सुरु आहेत.

नेमकं प्रकरण काय?

नागेश भालेराव हा हिंजवडी पोलीस ठाण्यात कार्यरत आहे. मंगळवारी ४ जून रोजी मावळ लोकसभा मतदारसंघाची मतमोजणी बालेवाडी येथील क्रीडा संकुल येथे पार पडली. या पार्श्वभूमीवर पोलीसांचा मोठा बंदोबस्त तैनात करण्यात आला होता. बंदोबस्तासाठी जागा दिलेली नसताना देखील भालेराव हा बालेवाडी येथील पोलीस चौकीसमोर गेला.

भालेराव व्हॅनमध्ये बसला असाताना गाडीचे इंजिन सुरु होते. त्यावेळी त्याचा पाय अॅक्सिलेटरवर पडला. त्यामुळे वाहनाने समोरुन पायी जाणाऱ्या शकुंतला यांच्यासह उभ्या दुचाकींना धडक दिली. या घटनेत शकुंतला यांना गंभीर दुखापत झाली. तसेच एका तरुणाच्या दुचाकीचे मोठे नुकसान झाले.

घटनास्थळी बंदोबस्तासाठी तैनात असलेल्या वरिष्ठ पोलीस अधिकाऱ्यांना भालेराव याने मद्यपान केल्याचा संशय आला होता. त्यामुळे भालेराव याची वैद्यकीय तपासणी करण्यात आली. या तपासणीत भालेराव याने मद्यपान केल्याचे निष्पन्न झाले. यानंतर त्याला तडकाफडकी निलंबित करण्यात आल्याचे वरिष्ठ पोलीस निरीक्षक कन्हैया थोरात यांनी सांगितले.

RELATED ARTICLES
- Advertisment -

Most Popular

Recent Comments