इंडिया क्राइम न्यूज़ ऑनलाइन
(संपादक सुरेश गुप्ता)
सातारा: अजित पवार यांनी आमदारांचा एक गट फोडून शिंदे- फडणवीस सरकारशी हातमिळवणी केल्यानंतर राष्ट्रवादी काँग्रेस पक्ष नेमका कोणाचा, यावरुन संघर्ष सुरु झाला होता. अजित पवार आणि यांच्या पाठिशी राष्ट्रवादीचे नेमके किती आमदार आहेत, याचे चित्र अद्याप पूर्णपणे स्पष्ट झालेले नाही. मात्र, अजित पवार यांच्या निर्णयामुळे राष्ट्रवादी काँग्रेसमध्ये उभी फूट पडली होती. सरकारमध्ये सामील झाल्यानंतर अजित पवार गटाची ताकद कैकपटीने वाढली आहे.
येत्या काही दिवसांमध्ये केंद्रीय निवडणूक आयोगाकडून राष्ट्रवादी काँग्रेस पक्ष अजित पवारांच्या हातात दिला जाऊ शकतो, अशी चर्चा आहे. मात्र, राष्ट्रवादी काँग्रेसच्या कार्यकर्ते आणि सामान्य जनतेमध्ये शरद पवार यांच्याविषयीचे आकर्षण किती घट्ट टिकून आहे, याचा प्रत्यय नुकताच साताऱ्यातील एका कार्यक्रमात आला. राष्ट्रवादी काँग्रेसचे खासदार यांनी एका खासगी शाळेच्या कार्यक्रमाला अतिथी म्हणून हजेरी लावली होती. यावेळी केलेल्या भाषणावेळी अमोल कोल्हे यांनी एक रंजक किस्सा सर्वांसमोर सांगितला.
अमोल कोल्हे यांच्या भाषणापूर्वी याठिकाणी बक्षीस वितरण सोहळा पार पडला. या सोहळ्यात बक्षीस मिळालेल्या एका चिमुकल्याने अमोल कोल्हे यांच्या कानात एक गोष्ट सांगितली. तो अमोल कोल्हे यांना म्हणाला की, ” चिमुकल्याचे हे बोल ऐकून अमोल कोल्हे काहीसे अचंबित झाले आणि हसायला लागले. यानंतर अमोल कोल्हे यांनी आपल्या भाषणात हा किस्सा सविस्तरपणे सांगितला. मला नव्या पिढीच्या एका गोष्टीचं अप्रुप वाटतं की, ते खासदाराला कानात काहीतरी सांगायचंय म्हणून त्याच्याशी थेट बोलण्याची धिटाई आहे. त्यापेक्षा महत्त्वाची गोष्ट म्हणजे त्याने जे सांगितलंय त्यावरुन त्याच्या घरातील राजकीय सजगता लक्षात येते.
या मुलाने माझ्या कानात सांगितले की, ‘पवार साहेबांना सोडू नका’. एवढसं पोरगं ही गोष्ट सांगते हा माझ्यासाठी शॉक होता. खरंतर हा राजकीय मंच नाही. पण समाजात जे काही घडत आहे, त्याविषयी घरातून जाणीवा प्रगल्भ केल्या तर उद्या ज्यांच्या खांद्यावर राज्याचं आणि देशाचं भविष्य अवलंबून आहे, त्या लहानग्यांच्या राजकीय जाणीवा प्रगल्भ होऊ शकतात, असे अमोल कोल्हे यांनी म्हटले, अमोल कोल्हे यांच्या या भाषणाचा व्हिडिओ सध्या सोशल मीडियावर चांगलाच व्हायरल होत आहे.
