इंडिया क्राइम न्यूज़ ऑनलाइन
(संपादक सुरेश गुप्ता)
कोंढवा (पुणे) : कात्रज कोंढवा रस्ता हा मृत्यूचा सापळा बनला असून दिवसेंदिवस अपघाताची संख्या वाढत असून मृत्यूचे प्रमाण वाढले आहे. या परिसरात पुन्हा एक अपघात झाला असून त्यामध्ये एकाचा मृत्यू झाला. अनिल नीलेश पतलावकर- राठोड असे मृत्यू झालेल्याचे नाव आहे तर गणेश जाधव व सुनील राठोड अशी जखमींची नावे आहेत.
याबाबत पोलिसांनी सांगितलेली माहिती अशी की, सोमवारी पहाटे पावणेचारच्या सुमारास अनिल नीलेश पतलावकर (राठोड ), गणेश जाधव, सुनील राठोड, हे तिघे एकाच मोटारसायकलवर (एमएच ४६ एआर ४२२५) कात्रज-कोंढवा रस्त्यावरील टिळेकरनगर येथून खडीमशीन चौकाकडे जात होते. असताना खडीमशीन पोलिस चौकीच्या समोरून येणाऱ्या कंटेनर (एमएच १२ जेबी ६८८९) ला त्यांची धडक बसली. त्यामध्ये मोटारसायकल कंटेनरच्या चाकाखाली जाऊन अडकली व अनिल नीलेश पतलावकर राठोड याचा जागीच मृत्यू झाला तर गणेश जाधव व सुनील राठोड हे जखमी झाले. त्यांना उपचारासाठी दवाखान्यात दाखल करण्यात आले आहे.
