इंडिया क्राइम न्यूज़ ऑनलाइन
(संपादक सुरेश गुप्ता)
लोणी काळभोर, (पुणे) : मोक्का गुन्ह्यात जामिनावर मुक्त असलेल्या सराईत गुन्हेगाराकडून एक देशी बनावटीचे पिस्तूल आणि एक जिवंत काडतूस जप्त करण्यात आले आहे. पुणे शहर गुन्हे शाखेच्या युनिट – 6 च्या पोलिसांनी केलेल्या कोंबिंग ऑपरेशन दरम्यान गुरुवारी (ता. 13) ही कारवाई करण्यात आली आहे.
अनिकेत गुलाब यादव, (वय 22), असे अटक करण्यात आलेल्या आरोपीचे नाव आहे. त्याला कदमवाकवस्ती येथील सोपान नगर परिसराततून ताब्यात घेण्यात आले आहे. अशी माहिती गुन्हे शाखा युनिट 6 चे प्रभारी पोलीस निरीक्षक वाहिद पठाण यांनी दिली.
पोलिसांनी दिलेल्या माहितीनुसार, गुरुवारी गुन्हे शाखा युनिट 6 चे पथक लोणी काळभोर पोलीस ठाण्याच्या हद्दीत गस्त घालीत असताना पोलीस हवालदार बाळासाहेब सकटे यांना एका खबऱ्याकडून माहिती मिळाली होती. मिळालेल्या माहितीवरून मोक्का गुन्ह्यामध्ये जामिनावर असलेला आरोपी अनिकेत यादव याला सोपान नगर, कदमवाक वस्ती, येथुन ताब्यात घेतले.
दरम्यान, त्याच्या अंगाची अंगझडती घेतली असता त्याच्याकडे एक देशी बनावटीचे अग्निशस्त्र व एक जिवंत काडतूस मिळून आले असुन पंचांसमक्ष जप्त करण्यात आले आहे. सदर आरोपीताविरुद्ध लोणी काळभोर पोलीस ठाण्यात 89 /2025 आर्म अक्ट कलम 3, 25, महाराष्ट्र पोलीस कायदा कलम 37 (1) (अ) सह 135 अन्वये गुन्हा दाखल करण्यात आला आहे. वरिष्ठांचे आदेशाने सदरचा गुन्हा पुढील तपास कामी लोणी काळभोर पोलिसांकडे सुपूर्द करण्यात आला आहे.
सदरची कामगिरी गुन्हे शाखा, युनिट 6 चे प्रभारी पोलीस निरीक्षक वाहिद पठाण, सहायक पोलीस निरीक्षक मदन कांबळे, पोलीस उप निरीक्षक रामकृष्ण दळवी, पोलीस हवालदार बाळासाहेब सकटे, रमेश मेमाणे, नितीन मुंढे, कानिफनाथ कारखेले, ऋषीकेश ताकवणे, सचिन पवार, ऋषीकेश व्यवहारे, शेखर काटे, गणेश डोंगरे, समीर पिलाने, नितीन धाडगे, बाळासाहेब तनपुरे, सुहास तांबेकर, प्रतिक्षा पानसरे, किर्ती मांदळे यांनी केली आहे.
