इंडिया क्राइम न्यूज़ ऑनलाइन
(संपादक सुरेश गुप्ता)
उरुळी कांचन : उरुळी कांचन पोलीसठाण्याच्या हद्दीतील सटवाई चौकाजवळ गोगीया बिल्डिंगच्या आडोशाला सुरू असलेल्या कल्याण मटका जुगार अड्डयावर पोलिसांनी धाड टाकून तिघांना अटक केली आहे. यावेळी पोलिसांनी जुगाराचे साहित्य आणि रोख रक्कम 700 रुपये जप्त केली आहे. ही कारवाई बुधवारी सायंकाळी सहा वाजण्याच्या सुमारास करण्यात आली.
सुनिल जयवंत गदादे (वय 60, रा. परीवर्तन सोसायटी, ता. हवेली), महादेव जनार्दन कांबळे (वय-71, रा. तुपेवस्ती, उरुळी कांचन, ता. हवेली) रामनंद वसंतराव भारती (वय 42, रा. एम. जी. रोड, चोरघे बिल्डिंग, उरुळी कांचन, मुळगाव किनगाव, ता. अहमदपूर) अशी अटक करण्यात आलेल्या तिघांची नावे आहेत. याप्रकरणी पोलीस हवालदार धनंजय भोसले यांनी उरुळी कांचन पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, उरुळी कांचन पोलीस ठाण्याच्या हद्दीतील सटवाई चौकाजवळ गोगीया बिल्डिंगच्या आडोशाला कल्याण मटका नावाचा जुगार खेळवत असल्याची माहिती पोलिसांना मिळाली होती. पोलिसांनी घटनास्थळी छापा टाकला असता, आरोपी हे लोकांकडून पैसे घेऊन कल्याण मटका नावाचा जुगार खेळवत असल्याचे आढळले.
दरम्यान, यावेळी पोलिसांनी एक स्लिप बुक (ज्यात पावत्या आणि कार्बन कॉपी होत्या), 700 रुपये रोख आणि निळ्या शाईचे बॉलपेन जप्त केले आहे. या प्रकरणी मुं. जु.का. क 12 (अ) अंतर्गत गुन्हा दाखल करण्यात आला आहे. पुढील तपास पोलीस हवालदार प्रविण चौधर करीत आहेत.
