Saturday, July 13, 2024
Homeक्राईम न्यूजउरुळी कांचन येथील रक्तदान शिबिराला रक्तदात्यांचा 'उत्स्फूर्त' प्रतिसाद

उरुळी कांचन येथील रक्तदान शिबिराला रक्तदात्यांचा ‘उत्स्फूर्त’ प्रतिसाद

इंडिया क्राइम न्यूज़ ऑनलाइन

(संपादक सुरेश गुप्ता)

उरुळी कांचन, (पुणे) : ड्रीम्स युवा सोशल फाउंडेशन संचलित, उरुळी कांचन ग्राम स्वच्छता अभियान ग्रुपच्या वतीने घेण्यात येणाऱ्या रक्तदान शिबिराला नेहमीच उत्तम प्रतिसाद मिळतो आहे, हा प्रतिसाद त्यांच्या ग्रुपच्या सामाजिक दायित्वाप्रती संघटित पणाने केलेल्या सेवेच्या निस्वार्थ प्रयत्नाचे फलीत असल्याचे प्रतिपादन हवेलीचे ज्येष्ठ नेते प्रा. के. डी. कांचन यांनी केले.

उरुळी कांचन (ता. हवेली) येथील ‘ड्रीम्स युवा सोशल फाऊंडेशन’ संचलित उरुळी कांचन ग्रामस्वच्छता अभियान ग्रुपतर्फे जागतिक रक्तदान दिनाचे औचित्य साधून रक्तदान शिबिराचे आयोजन करण्यात आले होते. लोणी काळभोर येथील विश्वराज हॉस्पिटलच्या दर्पण व ससून ब्लड बँकेची रक्तपेढी यांच्या संयुक्त विद्यमाने उरुळी कांचन येथील बी.जी. शिर्के बाल विकास मंदिर या ठिकाणी रविवारी (ता. 16) रक्तदान शिबिराचे आयोजन करण्यात आले होते. यावेळी के. डी. कांचन बोलत होते.

या रक्तदान शिबिरात 707 रक्तदात्यांनी सहभाग नोंदवला. प्रत्येक रक्तदात्यास पर्यावरण पूरक झाडाचे रोप, प्रशस्तीपत्र व भेट वस्तू देऊन सन्मानित करण्यात आले.

यावेळी हवेलीचे ज्येष्ठ नेते के. डी. बापू कांचन, यशवंत कारखान्याचे संचालक संतोष कांचन, हवेली कृषी उत्पन्न बाजार समितीचे संचालक राजाराम कांचन, सोपान कांचन, उरुळी कांचनचे सरपंच अमित (बाबा) कांचन, माजी सरपंच संतोष कांचन, भाऊसाहेब कांचन, नियोजन समितीचे सदस्य अलंकार कांचन, राजेंद्र कांचन, माजी उपसरपंच रामभाऊ तुपे, उरुळी कांचन ग्रामस्वच्छता अभियान ग्रुपचे संतोष चौधरी, ग्रामविकास अधिकारी प्रकाश गळवे, राजेंद्र टिळेकर, संतोष शितोळे, बापु सुरवसे, उरुळी कांचन ग्रामस्वच्छता अभियान ग्रुपचे संतोष चौधरी, सोमनाथ बगाडे आदि मान्यवरांसह पदाधिकारी व कार्यकर्ते मोठ्या प्रमाणात उपस्थित होते.

प्रिंट व डिजिटल मीडिया पत्रकार संघटनेचे अध्यक्ष सुनील जगताप म्हणाले, “उरुळी कांचन ग्राम स्वच्छता अभियान ग्रुपचे प्रत्येक कार्य हे शुद्ध हेतू, शुद्ध विचार, शुध्द आचरणाने प्रेरित झालेले असल्याने त्यांच्या कार्याला मिळणारा प्रतिसाद हा दिवसेंदिवस वाढता आलेख प्रस्थापित करणारा आहे. या ग्रुपने भविष्यात ग्रामसभेला उपस्थिती लावून ग्रामसभेचे कार्य कसे चालते याबाबत माहिती घेत गावाच्या विकासामध्ये सहभागी व्हावे, तसेच ज्या वास्तूत आपण कार्यक्रम घेतो, त्या वास्तूची स्वच्छता देखील महत्वाची आहे, शाळेच्या प्रशासनाला वास्तु स्वच्छ करण्याकरता या ग्रुपने भविष्यात मदत करावी.”

दरम्यान, मागील 9 वर्षापासून हा ग्रुप उरुळी कांचनसह परिसरात संतोष चौधरी यांच्या नेतृत्वाखाली सर्व सहकाऱ्यांच्या सहभागाने ग्राम स्वच्छता अभियान, रक्तदान शिबीर, हजारो झाडे लावून संवर्धन करण्याचे काम पर्यावरणाचा ऱ्हास थांबविण्याचे कार्य जोमाने करीत आहे. संत तुकाराम महाराज पालखी सोहळ्यादरम्यान संपूर्ण परिसर व पालखी मार्ग स्वच्छता मोहीम राबवून एक वेगळा आदर्श निर्माण केला आहे.

RELATED ARTICLES
- Advertisment -

Most Popular

Recent Comments